一朝早就俾樓下的清拆的鑽野聲嘈醒, Ken 話係 6 點鐘就開始鑽, 我就醒下瞓下咁瞓到8:30am. 起身時出面落緊雨, 仲以為今日都逃唔過濕晒的局面. 但又好彩喎, 只係出酒店去地鐵要開遮外, 全日都無開過遮啦.
10am 我地就 checkout 去KFC食早餐. 完來大陸的早餐時段係10點前 -.- 唯有點個普通餐孖份食啦~
因為在地鐵見個廣告好好味咁, 所以要了這個嫩牛五方餐 (RMB 26), 個皮幾好食, 都幾辣. 個粟米沙律唔似在北京食個次咁冰
搭地鐵 (RMB 4) 去公園前站行北京路. 呢到係步行路, 我地同家姐分開行, spend 得最耐時間係响書店 
大陸版書係平好多, 買左本食譜, 呢本响香港賣台灣版接近 $100. 大陸版只係 RMB 40.
北京路的聯合書店, 好多層, 好好行
北京路的古蹟 – 唔同時期的路面, 呢個係宋元時期.
老翻 crocodile, 有好多分店架!
北京路又係每三步又有棚架整整整
香港 DHC 好似越做越 cheap . 大陸 DHC 代言人係陳慧琳, 好似 high d
再亂咁行下我又開始眼瞓, 所以去飲咖啡上電. 但呢到的mcdonalds 係無 mc cafe, 所以只可以要了杯味道好淡的蒸溜咖啡, 唔講仲以為係奶茶 -.- Ken 又再次俾人呃 … 因為麥記有超值午餐 RMB 15 起, 佢問人有咩揀, 人地話俾佢聽有豬, 牛, 雞. 所以佢要板燒雞腿飽, 因為通常係貴d, 以為抵晒啦~ 但呢個係要 RMB 17.5 的.
麥記超值午餐 (RMB 17.5) 個板燒雞腿包個size 同個都好有距離
1:30p 會合了家姐後, 我地就去食 lunch , 行入去五月花商場, 上過去旅遊書介紹的廚房制造, 個 reception 似 Karaoke 咁, 望入去又好似好煙, 睇埋個餐牌都係唔決定唔落搭. 沿路行去搭地鐵見到間六本木居食屋, 價錢同個樣都 ok , 所以走左入去食. 食左 RMB 125, 睇返張收據先知完來有紙巾錢 (RMB 2) 同茶錢.
石頭鰻魚飯 (RMB 38)
六本木的裝修幾似和民， 好多木， 又暗
石窩牛仔骨 (RMB35), 牛比較肥，同埋略為咸左 d. 牛件唔多，有好多蔬菜
八爪魚牛油果意粉 (RMB 38)，八爪魚幾甜， 但嫌牛油果生左 d.
食完我地就分開行. 因為家姐佢地去金融區 (珠江新城) 視察, 而我地就去天河城行下.
要左杯栗子豆漿 (RMB 4)，豆漿係即磨，好有栗子味，又夠凍，好好味
呢個動漫星城連住公園前站. 似旺角d商場，d野無論係個樣同價錢相對地買得落手
搭地鐵 (RMB 3)去體育西路, 首先去天河城, 入面有間 Jusco, 簡直係人山人海, 所以我地都無行, 諗住返去廣州東站個間先行. 天河城商場有好多層, 每層亦好大. 終於有機會行國美, 其實除左冷氣機比香港平之外, 所有野似乎都同香港差唔多, 美的都幾貴. 我地仲見到有好強勁的淨水器賣, 係有好多支好大的芯個種, 我地諗呢到的水質都可想而知啦……
唔想咁辛苦, 去左間掛住 illy 牌的 cafe 坐低飲野… 好難飲呀~
american cafe (RMB 25), illy 喎，唔好飲，甜到我要溝水，又唔俾奶，好怪.
天河城
之前响地鐵見到 ” 又一城”, 仲要係叫 Festival Walk, 咪走去望下係咩黎啦.. 原來係條地下街, 舖頭細細個隻, 質素似動漫星城.
差唔多係時間搭地鐵返廣州東站 (RMB 2) 行埋間 Jusco supermarket. Jusco 係坐落於連接地鐵站的東方寶泰商場裡面. 呢到無天河城咁多人, 可以慢慢行. 食物種類有好多, 我地最後買左2 樽 BB 牌的 apple jam (RMB 5.8@), 同維他奶黑豆味 (12 包 RMB 23.8) 就走. 行返去酒店 meet 家姐先發覺原來酒店前面就係 IKEA, 有好多人好似唔駛錢咁攞住一大大袋.
我地搭 5:40p 火車返深圳, 因為都唔係差太遠時間, 我地都係好乖咁等返自己班車. 今次 d 飛仲衰, 係 3+1 -.- 原來羅湖行去過關係要經過類似商場的物體, 又奇怪又核突~ 返到九龍塘已經係 7:xxp, 食埋 dinner 先返屋企.