黎到旅程的最後一天, 本來係6am morning call, 6:45am 要起程走人, 但發生了一件出乎意料之外的事, 搞到我地個個在 5am 就醒晒.
差唔多5am 時, 我地俾一 d 仿如空襲的聲音吵醒, 要知道呢個事刻, 剛剛大地震完喎, 梗係驚啦! 就算懶瞓如我的人都嚇醒左. 望下出面又乜都見唔到, 但係我地係住2樓嘛, 條樓梯又窄, 都係著返見外套同攞返個 iphone 同個袋出去先算. Ken 仲即刻換埋衫 ! 出到房門, 萍姑姐同姑丈好緊張咁又係攞晒袋走左出黎, 叫我地著返對鞋. 係家姐同嫻姑姐, 珍姑姐同朱姑丈懶瞓到嘈到咁都唔醒, 要我地拍晒門, 佢地先醒. 家姐同嫻姑姐仲搞笑到, 都唔知係咪佢地閉唔實隻門, 定係當時係嫻姑姐開門俾萍姑姐跟住返上床瞓 (因為當時一片混亂) , 係要萍姑姐推醒佢地”走難”.
落到去樓下, 水淨鵝飛, 好似除左我地之外, 其他人都唔覺有問題, 只係得個比較年紀大的團友可能聽到我地嘈先出黎睇下, 而領隊仲要係姑丈拍佢門先醒, 其時那吵耳的空襲聲也漸漸遠去. 咁先覺得無事我地才返屋. 後來從司機那裡才得知呢 d 係有火警發生, 召集義務消防員的 signal, 真係俾佢嚇死!
擾攘完都接近6am , 我地都費事瞓返, 所以我地都早早落去一齊食之前一天買定的簡單早餐. 準時出車去 Christchurch 機場.
去到機場, 心情都幾緊張, 究竟會唔會 delay 呢?! 又見到有 d 人瞓晒响地下到, 好彩無驚無險都準時搭到班機返 Auckland,機程大約一小時, 我同 Ken 仲離譜到瞓到不省人事, 連起飛那種感覺都 feel 唔到 
返到 Auckland 內陸機場, 要行一段路先去到 International terminal, 我地就話後生無所謂, 但係 d 年老ge, 又要推住個大喼都幾麻煩. 我睇過其他 blog 的旅行團係會安排車 , 所以我又唔覺勝景遊真係好好囉.
由內陸機場行返去國際機場全無遮蔭的路
Checkin 完, 我地就行去食下野, 見到 d 舖頭賣 comvita honey的價錢都ok, 因為係 Tax Free, 不過就一次要買3樽, 個價錢先係 around NZ 67.x . 見到 Mcdonalds, 又有 d 包係香港無的, 雖然係貴貴地 (NZ$10), 都要試下, 都幾好味架!
好豪華的 Grand Angus! 好味! (NZ$10)
香港無的 chicken wrap.
過關時, 因為張 form 填 hotel 名仲係 Rydges Christchurch, 所以個海關問候下我地. 又一證明個領隊做野唔細心, 如果有團友唔識英文, 俾海關係咁問野都咪話唔驚. 紐西蘭機場都好嚴謹, 見到唔少人 hand carry 俾人捉超重.
其實過左海關後都仲有好多 shops 可以行, 可以買野, 入面仲有 Burger King! 架機今次好準時2:40p起飛, 返到香港係 8:30p , 大約係11個鐘, 我仲睇左成3套戲 (Social Network, Megamind, Due Date) 加埋一集有 Justin Biber 的 CSI.
下午茶, 見到 dessert d cream 真係唔想食
另一款牛肉下午茶
中途又有 Ham Sandwich 食
雞絲炒麵. 最好味係後面 cookies and cream 雪糕! 好滑
今天到過的地方. Click here可以在 google map 再放大黎睇
今次紐西蘭之旅比想像中好玩, 去之前仲驚會悶, 但去到原來係兩回事. 可能係天氣好, 空氣好舒服, 景色又靚, 又有野玩, 個到 d 人又nice, 我地又人多, 有好多 side stories 好好笑, 蓋過左有時都有d麻煩的事情。