對上一次去已經係接近8年前, 那次我地許下5年內都唔會再去, 可想而知幾唔鍾意. 今次的感覺比較好, 但都無話鍾意到好想好快又再去. 而家姐佢就直頭話已經諗緊出年再去睇埋紅葉. 
- 事隔8年, 都真係變左好. 特別係咖啡, 上次去的 coffee shop 係淡到爆, 今次coffee shop 好似7仔咁梗有一間係左近, 又靚又好味.
- d skincare stuff 成行成市, 多到你頭都暈埋. 上次只係識 Laneige 呢隻牌子, 今次多好多, 雪花秀, Innisfree, natural republic, the saem, banila co. … 最得意佢地好有 gimmick, 前排興蝸牛, 而家就興仿蛇毒. 而街舖就好鍾意有人在門口派 samples 氹你入去, 有 d 派面膜, cheap 的只係派化粧棉. 住左咁多日明洞, 星期日係派得最勁!
- made in Korea 的時裝真係幾好質地, 價錢亦都買得落手.
- Duty Free 其實都有好多牌子買, 以美金計, Visa Platinum card 有 5% – 15% discount. 所以我地用 credit card 俾錢. 但轉港幣找數係完全無著數! 返黎睇返個 rate , 美金找數是7.91xxx, 個邊轉港紙找數個 rate 係 8.0xxx, 而且通常海外簽賬有多 d 積分嘛! 其實有好多牌子的價錢在 Duty Free shop 真係平過街店 (我見 Banila co., etude house 都平), 仲要加埋有 Visa Platinum, 又唔駛去到機場搞退稅咁煩, 簡直無敵!
- 上次的感覺係估唔到韓國的市容頗差, 同日本的乾淨差好遠. 今次都有同樣的感覺, 中年男人尤其在明洞真係好鍾意吐口水! 有些地方仲充斥住渠味. 可取是洗手間好多都好乾淨! 連鎮海的流動洗手間, 情況都ok.
- 大部份地鐵站都好舊, 黑黑暗暗咁. 到夜晚有好多露宿者瞓响地鐵通道入面
- 搭地鐵轉線真係要睇定要轉的方向是幾號車廂同門, 有次我地諗住過到去目的地個條線先睇方向, 但原來係唔可以, 好似要出閘先過到對面月台, 最後我地又要拖住疲乏的身軀返去原本個條線,再睇清楚目的地方向行另一條路先得.
- 唔知係咪理論上都係天氣涼, 佢地唔係好興開行冷氣. 最攞命是落雨個日在梨大搭地鐵, 個車廂又濕又熱又臭 -.-
- 韓國人真係幾粗魯, 無論男人定女人都咁鍾意撞開人行. 佢地係唔會避開人架! 有次有個阿伯迎面而來, 佢直頭係想撥開我! 另一次在食店, 有個女人除左隻拖鞋, “洞” 起隻腳坐 !
- 韓國的温度雖低, 但無香港個隻温度咁凍. 今次去好多日都係10度左右, 但都可以唔駛著羽絨.
- konest 呢個日本網站真係好好用, 天氣又準, 個 map 又好用. VisitKorea 都唔錯, 有好多資料, 又有好多折扣 coupon download
- 食野就始終比較麻煩, 好多都係全韓文, 估都估唔到係咩, 而且大部份都係辣. 味道其實好多都係一般, 唔會好好味, 一試難忘. 可能 d 肉貴, 石頭鍋飯唔似香港咁有幾款肉可以選. 份量亦細, 可能亦因為咁, 佢地一定要一人一個餐, 唔俾你 share 黎食.
- 聽人講周街都有 wifi, 我嘗試過 connect , 但似乎都係要問人攞 password. 因為我地有 wifi egg, 所以都唔 bother 去問. 另外酒店雖然話係有 wifi, 但可以話係龜速, 最終我地又係用 wifi egg 在酒店房上網.
- 返到香港, 家姐同 Wendy Ho 傾起先知原來搭的士係超平, 佢話在明洞就算搭過河去新沙洞都只係6000 won 左右!